«ҚазТрансГазАймақ» компаниясының қызметкерлерімен онлайн-кездесу барысында Nur Otan саяси партиясынан Ақтөбе облыстық мәслихат депутаттығына кандидаттар Берік Көздіғарин, Күлшат Масалимова және Әсел Зелетдинова осы өңірде 55 кәсіпорынды жаңғырту жүргізілетінін айтты. Бұл туралы 365info.kz ресурс хабарлайды.
Нұротандықтар өңірді әлеуметтік-экономикалық тұрғыдан жақсарту үшін партияда қандай шаралар қабылдауға ниетті екендіктерін жеткізді.
Сайлауалды бағдарламаға сәйкес партия қазақстандық өнімді басқа облыстар мен елдерде ілгерілетуге көмек көрсетуді, сондай-ақ ферроқорытпалар, рельстер, химиялық өнімдер мен тамақ өнімдері есебінен шикізаттық емес экспорт көлемін алты пайызға арттыруға ықпал етуді жоспарлап отыр. Өңдеу өнеркәсібінің үлесін жаңа нысандарды ашу, сондай-ақ өңірдің 55 кәсіпорнында жабдықтарды қайта құру және жаңарту арқылы арттыру жоспарлануда.
«Коронавирус індеті жағдайында нарықты азық-түлікпен тұрақты қанықтыру мәселелері ерекше өзектілікке ие. Бүгінде облысқа еліміздің ауыл шаруашылығы өнімдерін шығарудың 5,3 пайызы тиесілі. Бірнеше жобаны іске асыру, сүт-тауар фермаларын, бордақылау алаңдарын ашу, ет комбинатын және құс фабрикасын салу есебінен өңірдің азық — түлік қауіпсіздігі қамтамасыз етіледі», — деді Берік Қождығарин.
Сонымен қатар, Ақтөбе облысында бизнес-жобаларды іске асыруға, сондай-ақ үлесін 25 пайызға дейін жеткізу жоспарланып отырған шағын және орта бизнес объектілерін ашуға үлкен көңіл бөлінетіні де сөз болды.
Сурет: 365info.kz
