Нұр-Сұлтанда арнайы Кавказ, Орталық Азия республикаларының қаржы министрліктері мен ұлттық банктерінің басшылары, ЕАЭО мүшелері мен тіпті Монғолияның да үшін ХВҚ және ҚР Ұлттық Банкі ұйымдастырған үшінші дөңгелек үстел отырысы өтті. Іс-шара Астана экономикалық форумы аясында өтті.
Өңірлік кездесу тақырыбы – “Инклюзивті өсу үшін экономикалық саясат шаралары”.
Дөңгелек үстел жұмысына Халықаралық валюта қорының басшысы Кристин Лагард, премьер-министр Асқар Мамин, Ұлттық банктің төрағасы Ерболат Досаев, Орталық банктердің басшылары мен аймақ елдерінің қаржы министрлері, Қазақстан астанасында тіркелген халықаралық қаржы ұйымдары мен елшіліктердің өкілдері қатысты.
Кристин Лагардтың айтуынша, кедейлік пен теңсіздік ауқымын қысқартуға, жұмыс орындары санының өсуін ынталандыруға, еңбек өнімділігін арттыруға, жеке және шетелдік инвестицияларды арттыруға бағытталған реформалар, сондай-ақ өңірдегі ынтымақтастықтың оң өңірлік динамикасы өңірде сенімді, тұрақты, теңдестірілген және инклюзивті өсуге қол жеткізу үшін жаңа мүмкіндіктер туғызуы мүмкін.
Ұлттық Банк Төрағасы Ерболат Досаев халықаралық қаржы ұйымдары, үкіметтер және орталық банктер үшін инклюзивті экономикалық өсу тақырыбының өзектілігін атап өтті.
“Инклюзивті өсудің ең маңызды аспектілерінің бірі қаржылық қызметтердің қолжетімділігі болып табылады. Қаржылық қызметтерге кең қол жеткізу экономиканың тұрақты дамуын қолдайды, оның әлеуметтік бағытын күшейтіп, азаматтардың қаржылық әл – ауқатын арттырады”, – деді ол.
Ұлттық Банк басшысы 2019 жылғы наурызда ҚРҰБ мен Үкімет арасында макроэкономикалық саясат шараларын үйлестіру туралы келісімге қол қойылғанын еске салды. ҚР Үкіметі мен Ұлттық Банкінің келісілген іс-әрекеттері баға тұрақтылығын, экономиканы қолжетімді қаржыландыруды және қаржы нарығының тұрақтылығын қамтамасыз етуге бағытталған.
