Қазақстанның Индустрия және инфрақұрылымдық даму министрлігі Азаматтық авиация комитетінің төрағасы Талғат Ластаев 2020 жылдың басында Нұр-Сұлтаннан Шанхайға жаңа авиарейстер ұшырылатынын айтты. Бұл туралы tengrinews.kz хабарлайды.
«Қол қойылған өзара түсіністік туралы меморандумдар Қытай аумағындағы пункттерден ел астанасы — Нұр-сұлтанға тікелей рейстер ашу мүмкіндігін қарастырады. Атап айтқанда, 2020 жылдың бірінші тоқсанында Нұр-сұлтан – Шанхай рейсін ашу жоспарлануда», — делінген хабарламада.
Бұл келісім Routes Silk Road-2019 авиакомпаниялары мен әуежайларының халықаралық форумы аясында қол қойылды.
«Азаматтық авиация комитеті мен Нұр-сұлтан қаласының әкімдігі Қытайдың ірі авиакомпанияларының бірі – China Eastern Airlines, сондай — ақ Қытай бюджеттік Urumqi Airlines компаниясымен өзара түсіністік туралы Меморандумға қол қойды», — делінген хабарламада.
Ластаев ҚХР 1000 бағытта ұшатын 750-ден астам кемелер бар екенін атап өтті.
Билеттің құны 200 мың теңгеден аспайды деп жоспарлануда.
Сурет: tengrinews.kz
