Нұр-Сұлтан қаласында тұратын Ұлы Отан соғысының ардагерлеріне қалалық мәслихат биыл Жеңіс күніне миллион теңгеден астам қаражат төлеуді ұсынды. Бұл туралы «ашық нормативтік-құқықтық актілер» порталы хабарлады.
Жобада Ұлы Отан соғысының астаналық ардагерлеріне әлеуметтік көмек көрсету ережелері бойынша 67 айлық есептік көрсеткіш, яғни 195 439 теңге немесе 467 доллар мөлшерінде төлем жасалуы тиіс екендігі көрсетілген.
«Ағымдағы жылы 1941-1945 жылдардағы Ұлы Отан соғысы Жеңіс күніне орай соғысы ардагерлеріне 805 мың теңге мөлшерінде қосымша әлеуметтік көмек көрсету ұсынылады. Осылайша, 26 адамға 1 000 439 теңге төленеді», — делінген құжат жобасында.
Егер бұл жоба мақұлданса, елордалық бюджеттен ҰОС қатысушыларына әлеуметтік көмек көрсету үшін 18 миллион теңгеден астам қаражат бөлінеді.
Жоба осы жылдың 26 ақпанына дейін жалпы талқылауда болады.
2020 жылы Жеңіс күніне орай елордада тұратын 40-тан астам ардагерге 1 миллион теңгеден төленді. Сонымен қатар, жеңілдіктер мен кепілдіктер бойынша ҰОС қатысушылары мен мүгедектеріне теңестірілген 400-ден астам Астана тұрғыны 75 мың теңгеден алды.
Сурет: m.zakon.kz
