Бүгін Қазақстан елордасында Абай көшесінде жазушылар аллеясының салтанатты ашылуы өтті,деп Нұр-сұлтан әкімдігінің баспасөз қызметі хабарлайды.
Елорда әкімдігінің хабарлауынша, салтанатты шараға Азия елдері жазушыларының бірінші форумына қатысушылар, сондай-ақ елорда басшысының орынбасары Бақтияр Мәкен, жазушылар одағының төрағасы Ұлықбек Есдәулет және Олжас Сүлейменов қатысты.
Елорда әкімінің орынбасары салтанатты шарада Қазақстанның бас қаласы Күн сайын көркейіп келе жатқанын айтты. Ол Нұр-Сұлтанда тағы да бірқатар іс-шаралар жоспарланғанын атап өтті.
Сондай-ақ, жазушылар одағының төрағасы өзінің құттықтау сөзінде ұлы жазушы Абайдың құрметіне аталған көшеде жазушылар аллеясының ашылуының маңыздылығын атап өтті.
“Ұлы Абай көшесінде орналасқан жазушылар аллеясында жүргенде ақын шабыт алады,ал жолдар өздері өлеңге жазылған. Аллея елорданың әсемдігі мен қала тұрғындары үшін сүйікті демалыс орны болсын”, – деді Ұлықбек Есдәулет.
Жазушылар аллеясы Абай және А. Сембинов көшелерінің қиылысынан Егемен Қазақстан көшесіне дейін созылды, ал оның аумағы 1,2 гектарды құрады. Саяжолдың ортасында Абай сөзі бар мәрмәр кітабы орнатылды.
