Қазақстан астанасында тұратын белсенді Айгүл Өтепова Facebook-те жариялаған мақаласы үшін әкімшілік жауапкершілікке тартылады, деп хабарлайды mediazona.ca ақпарат ресурсы.
Атап айтқанда, ағымдағы жылдың 6 тамызында белсенді Facebook-тегі парақшасында азаматтарды рұқсат етілмеген митингке қатысуға шақырған мақала орналастырды.
Елорда билігі мақұлдамаған бұл шара 7 тамызда Нұр-Сұлтандағы Абай-Жұбанов көшелерінің қиылысында орналасқан «Домашний» дүкенінің жанында өтуі тиіс еді.
Астана қаласының мамандандырылған ауданаралық әкімшілік сотының шешімімен Айгүл Өтепова митингілерді ұйымдастыру және өткізу тәртібін бұзғаны үшін кінәлі деп танылды.
Осындай әрекеттер үшін елордалық сот белсендіні жеті күн мерзімге әкімшілік қамауға алу түрінде жазаға тартты.
Сонымен бірге, Айгүл Өтепованың Facebook-тегі парақшасында белсендінің өзі қамауда отырғысы келетінін жазған мақала табылды.
«Мен әкімшілік қамауда отырғым келеді. Демалу үшін, сәлем-сауқат алу үшін. Және интернет болмауы керек. Айыппұл төлегім келмейді. Сараңдығым ұстап тұр», — деп жазды Өтепова Facebook-те.
