Ресей сыртқы саяси ведомствосының басшысы Сергей Лавров Қазақстанның астанасы форматындағы кездесуде қаралатын басты мәселе террористік топтардың қалдықтарымен күрес болатынын айтты. Бұл туралы ТАСС агенттігі мәлімдеді.
Ресей Сыртқы істер министрінің айтуынша, 10-11 желтоқсанда өтетін кездесу кезінде гуманитарлық көмек пен тұтқындармен алмасу мәселелеріне назар аударылатын болады.
Сонымен қатар, алдағы кездесудің күн тәртібіне Сирия халқына жәрдемдесу және босқындарды қайтаруға жағдай жасау мәселелері шығарылады
Кездесуге Ресей, Иран және Түркия делегаттары, сондай-ақ Сирия үкіметі мен Сирия қарулы оппозициясы қатысады деп жоспарлануда. Сонымен қатар, бақылаушы ретінде БҰҰ, Иордания, Ливан және Ирак өкілдері қатысады.
