Қазақстанның елордасында Есіл ауданының әкімдігінде Open Akimat ашылды. Бұл туралы Нұр-Сұлтанның ресми сайты хабарлады.
Салтанатты ашылу рәсіміне Қазақстан астанасының әкімі Алтай Көлгінов пен ҚР жемқорлыққа қарсы қызметінің төрағасы Алик Шпекбаев қатысты.
Енді елорда тұрғындары Есіл ауданының әкімшілігінде “бір терезе” қағидаты бойынша қажетті қызметтерді ала алады. Сонымен қатар, қала тұрғындары тұрғын үй құрылыс жинақ банкі, тұрғын үй қоры, жұмыспен қамту орталығы, “Қазпошта” және аудан әкімдігі қызметкерлерінің кеңестерін пайдалануға құқылы.
Қала әкімінің айтуынша, тәжірибе көрсеткендей, тұрғындар сұрақтарына білікті мамандардан жауап алғысы келеді.
“Адамдар көруі үшін бәрін ашық жасадық. Біліп және қадағалап отыру үшін, мысалы, кезекте балабақшаны,тұрғын үйді адамдар тек қатаң заңды кезегімен алады. Басқа схема жоқ”, – деді Алтай Көлгінов.
Елордалық әкімдіктің ақпараты бойынша, Open Akimat залында елорда тұрғындарын қабылдайтын арнайы кабинеттер мен азаматтық хал актілерін тіркеу бөлімі бар.
Салтанатты ашылудан кейін Нұр-Сұлтан әкімі мен ҚР жемқорлыққа қарсы ведомствосының басшысы Open Akimat базасында азаматтарды қабылдады.
Сурет: astana.gov.kz
