Астаналық полиция ведомствосының бастығы Ержан Саденов карантин режимін бұзғандар қылмыстық және әкімшілік жауапкершілікке тартылатнын мәлімдеді, деп хабарлайды zakon.kz жаңалықтар ресурсы.
Журналистермен кездесу кезінде Ержан Саденов Нұр-Сұлтан тұрғындарына үндеу жолдап, карантин шараларымен қамтамасыз ету үшін құқық қорғау органдары қызметкерлерінің талаптарын орындауға шақырды.
Сонымен қатар, елорда ЖП бастығы тұрғындарды коронавирус жөнінде жалған ақпарат таратқаны үшін жауапкершілік туралы ескертті.Мұндай әрекеттер үшін Қазақстан заңнамасына сәйкес жазаланатын болады деп атап өтті.
Ержан Саденов атап өткендей, Қазақстан азаматтары Нұр-Сұлтанға кіре берістегі блокпостардың жұмысы туралы толық ақпаратты call-center арқылы ала алады.
19 наурыздан бастап Нұр-Сұлтан мен Алматыда коронавирустың елдің басқа қалаларына таралуын болдырмау үшін карантин режимі жұмыс істей бастайды.
Карантин кезеңінде, Нұр-Сұлтан мен Алматының кіре берістерінде ішкі істер органдарының қызметкерлері мен әскери қызметшілер күзететін жол тосқауылдары орнатылады.
Сурет: Zakon.kz
