Бүгін «102» жедел арнасына Нұр-Сұлтандағы Израиль елшілігінің өкілдері жүгініп, күдікті белгілері бар екі қап туралы хабарлады, деп жазады «ҚазТАГ» ақпараттық ресурсы.
Дипломаттардың мәлімдемесінде, олар белгіленген салмақтан 7 килограм асатын күдікті қапшықтарды сәлемдеме ретінде алғаны айтылған.
Қаптарда бомбалар болуы мүмкін екенін ескере отырып, Құқық қорғау органдарының қызметкерлері жедел түрде Израиль дипломатиялық өкілдігінің ғимаратына жетіп, барлық іргелес аумақты қоршауға алды.
Сондай-ақ, оқиға орнына кинологтар итпен келіп, елшілік ғимараты мен оған іргелес аумақты тексерді.
Егжей-тегжейлі тексеруден кейін, қаптардан тек жеке заттар табылды, жарылғыш құрылғылар болған жоқ.
Бұған дейін 27 тамызда «102» жедел арнасына қалалық атқарушы билік органына мина қойылғаны туралы ақпарат түскені хабарланған болатын.
Осыған байланысты Семей әкімдігіне қаланың барлық шұғыл қызметтері тартылып, жедел түрде ғимараттан адамдарды шығарып, іргелес аумақты қоршаған.
Нәтижесінде саперлер ешқандай бомба тапқан жоқ. Мина туралы хабарлама жалған болып шықты.
Сурет: aqparat.info
