Елорда әкімінің тапсырмасы бойынша өткен жылдан бастап апатты жағдайдағы ескі тұрғын үй орындарына саябақтар мен желекжолдардың құрылысы басталды.
Бұл Нұр-Сұлтан тұрғындарының өмір сүруі мен демалысы үшін экологиялық қолайлы жағдай жасау, олардың жайлы отбасылық демалысын қамтамасыз ету үшін жасалып отыр, деп қалалық әкімдіктің сайты хабарлады.
Саябақтар мен гүлзарлар абаттандырылады және көгалдандырылады, онда спорттық және балалар алаңдары мен шағын сәулет нысандары орнатылады.
Қалалық қоршаған ортаны қорғау және табиғатты пайдалану басқармасының хабарлауынша, мамыр-шілде айларында Есенберлин көшесі № 36 үй ауданында 4783 шаршы метр алаңда саябақ құрылысын бастау жоспарлануда.
Майлин көшесіндегі №9 үйдің жанында 7521 шаршы метр алаңда саябақ салу басталды, жұмысты шілде айында аяқтау жоспарлануда.
Сондай-ақ, Молдағұлова көшесіндегі № 19 және № 21 үйлердің ауданында 14113 шаршы метр алаңы бар саябақ салынуда. Саябақ қыркүйек айында салынады.
Сарыарқа ауданында 23 үйдің жанында алаңы 5917 ш. м. саябақ құрылысы маусым айынан қыркүйек айына дейін салынады
Абай даңғылы бойындағы алаңы 9087 ш. м. Құлтөбе көшесінен Сембинов көшесіне дейін және Егемен Қазақстан көшесінен Бейсекбаев көшесіне дейінгі учаскедегі желекжол қыркүйек айында аяқталады
Сурет: 24.kz
