Франция президенті Эммануэль Макрон Қазақстанға баруды жоспарлап отыр, деп Tengrinews.kz хабарлайды Сыртқы істер министрлігіне сілтеме жасай отырып.
Қазақстан Сыртқы істер министрінің орынбасары Роман Василенко Францияның Еуропа және сыртқы істер министрлігінің Мемлекеттік хатшысы, Экономикалық ынтымақтастық жөніндегі қазақстан-француз Үкіметаралық комиссиясының тең төрағасы Жан-Батист Леманмен келіссөздер жүргізді.
«Келіссөздер барысында барлық негізгі бағыттар бойынша екіжақты стратегиялық әріптестікті одан әрі тереңдету мәселелері басты орынға ие болды. Алдағы уақытта Франция президенті Эммануэль Макронның Қазақстанға жоспарланған сапарын дайындау аясында басым жобаларды жүзеге асыру барысы жеке қаралды», – делінген СІМ хабарламасында.
2018 жылдың қазан айында Нұрсұлтан Назарбаев Брюссельде Франция президенті Эммануэль Макринмен кездесті.
