Nur Otan үміткерінде 19 мың сенімді тұлға болады, деп хабарлайды informburo.kz.
Қазақстан Президенті лауазымына үміткер Қасым-Жомарт Тоқаевтың қоғамдық штабы ресми түрде Нұр-Сұлтанда ашылды. Оған 187 адам кірді, ал штабты Nur Otan партиясы төрағасының бірінші орынбасары Мәулен Әшімбаев басқарады.
“Бүгін біз кандидат Қасым-Жомарт Кемелұлы Тоқаевтың Республикалық қоғамдық штабының құрылғанын жариялаймыз. Штаб құрамына 187 адам кірді. Бұл қоғам қайраткерлері мен өз салаларында табысқа жеткен адамдар. Қасым-Жомарт Кемелұлы маған Республикалық қоғамдық штабты басқаруды тапсырды”, – деп атап өтті Nur Otan төрағасының бірінші орынбасары БАҚ-қа арналған брифингте.
Мәулен Әшімбаевтың айтуынша, барлығы 17 өңірлік, 210 қалалық және аудандық штабтар ашылады. Оларда 6 мыңға жуық адам жұмыс істейтін болады. Белсенді жұмыс 11 мамырдан басталады.
