Қазақстан астанасында коронавирустық инфекциямен ауыратын науқастарға арналған республикалық қарқынды терапия орталығы жұмыс істей бастады. Бұл туралы zakon.kz ақпарат агенттігі жазады.
Бұл орталық коронавирустық инфекцияның таралуына қарсы әрекет етуге бағытталған шараларды іске асыру шеңберінде құрылды.
Орталықта «Ұлттық ғылыми кардиохирургия орталығы» АҚ-ның реаниматологтары мен кардиохирургтары жұмыс істейді.
Бүгінгі күні орталықта өкпені жасанды желдету аппаратында 2 науқас жатыр. Дәрігерлер олардың жағдайын ауыр дәрежеде деп бағалауда.
Мұндай орталықтар жақын арада Ақмола, Ақтөбе, Алматы, Жамбыл, Қарағанды, Қостанай, Павлодар, Солтүстік Қазақстан, Маңғыстау облыстарында, Шымкент және Алматыда құрылатын болады деп жоспарлануда.
Соңғы мәліметтерге сәйкес, Қазақстан Республикасында коронавирус ауруының 531 жағдайы ресми тіркелді, індеттің таралуын болдырмау үшін барлық мүмкін шаралар іске асырылуда.
