Қазақстан астанасы әкімінің орынбасары Бахтияр Мәкен Семей форумы кезінде Нұр-Сұлтан қаласында “Жанұя” отбасын қолдау орталығы іске қосылатынын хабарлады.
“Отбасы сөзі, ана сөзінің баламасындай , себебі ана – отбасының негізі. Анаға қолдау көрсетпей, отбасына көмек көрсету мүмкін емес. Тіркелген 96 мың кәсіпкерлердің 50-і әйелдер. Соңғы төрт жылда әйелдер ұсынған 182 стартап-жобаны әкімдік мақұлдады”, – деді Мәкен.
Орынбасардың айтуынша, орталық биылғы жылдың қыркүйек айында ашылмақ. Сондай-ақ ол нысанның салыну кезеңдері туралы хабардар етті.
Қыркүйек айында отбасыларға қолдау көрсететін “Жанұя” орталығы ашылады. Қазір онда жөндеу жұмыстары жүргізілуде. Атап айтқанда, орталық қиын жағдайда қалған отбасыларға көмек көрсетеді. Қиын жағдайда жүрген аналарға ыңғайлы болу үшін барлық көрсетілетін қызметтер “жалғыз терезе” қағидаты бойынша көрсетілетін болады. Орталықта балаларға арналған ойын алаңы салынады. Ал аналарға құқықтық, психологиялық және медициналық көмек көрсетіледі. Сонымен қатар, жеке ісін ашу, жұмыс іздеу, тұрғын үй алу бойынша ұсыныстар беріледі және құжаттарды рәсімдеуге көмек көрсетіледі”, – деді Бахтияр Мәкен.
Сурет: Inform.kz
