Бүгін Астанада уақытша ұстау изоляторының жанында өткен сенбіде митингі кезінде ұсталған белсенділерді бостандыққа шығаруды талап еткен бір топ азаматтар жиналды.
Акцияға қатысқандар Дархан Өмірбаев, Руслан Нұрқанов пен Айбек Сабитовты босатуды талап етті.
Сондай-ақ олар ТИЗО қызметкерлерінен ұсталған белсенділердің денсаулық жағдайы туралы, әсіресе наразылық ретінде аштық жариялаған Дархан Өмірбаевтың денсаулығы жайында ақпарат беруді талап етті.
Елордалық изолятор қызметкері Садуақас Өмірәлиев шын мәнінде Өмірбаев тамақ ішуден бас тартқанын, осыған байланысты ол қазір дәрігерлердің бақылауында екенін растады.
Акция изолятордың жанында бейбіт өтті, құқық қорғау органдарының қызметкерлері араласқан жоқ, алайда жиналғандарға карантин режимі жағдайында осындай іс-шараларды өткізуге рұқсат етілмейтінін айтты.
6 маусымда Қазақстан Республикасының бірнеше қалаларында Демократиялық партия және елімізде тыйым салынған “Қазақстанның демократиялық таңдауы” ұйымдарының шақыруымен митингтер өтті.
Сурет: Azartyg.org
