Елордада “Астана” халықаралық қаржы орталығының (АХҚО) екінші жыл сайынғы жасыл өсу форумы басталды.
Форумға қатысушылардың арасында отандық және әлемдік сарапшылар мен жасыл қаржы жөніндегі мамандар, билік пен бизнес, сондай-ақ мемлекеттік сектор өкілдері қатысады.
Іс-шараны аша отырып, АХҚО басқарушысы Қайрат Келімбетов Еуропалық Қайта Құру және даму банкімен бірлесіп біздің мемлекетіміз үшін жасыл қаржы жүйесі тұжырымдамасының негіз қалаушы базасы бекітілгенін атап өтті. Ал өткен жылы АХҚО жасыл қаржы мәселелері жөніндегі кеңесі құрылды.
“Біз жасыл қаржыландыруды дамыту бойынша жаңа заңнаманы қалыптастыру бойынша экология, геология және табиғи ресурстар министрлігімен белсенді жұмыс істейміз. Экологиялық кодекс жобасын дайындау, оны Парламентте қорғау жасыл қаржы индустриясына байланысты көптеген инновацияларды енгізуге мүмкіндік береді деп үміттенеміз”, – деді Қайрат Келімбетов.
Ол АӨҚО орталық биржасында алғашқы жасыл облигацияларды шығару үшін мемлекеттік және квазимемлекеттік органдармен белсенді ынтымақтастық жүргізетінін мәлімдеді.
“Исламдық қаржыландыру нарығын дамыту аясында біз жасыл Ислам қағаздарын немесе жасыл сукуктерді шығару бойынша жұмыс істейміз. Сонымен қатар, біз Алматы, Нұр-сұлтан қала әкімдіктерімен жаңа жасыл қаржы құралдарын пайдалануға болатын жасыл жобалар пулын қалыптастыру бойынша белсенді жұмыс жүргізудеміз. Астана халықаралық қаржы орталығының алаңы бүкіл Орталық Азия аймағының аумағында жасыл қаржы саласында көш бастап келе жатқан болады деп біздің мақсатымызға сенеміз. Ол үшін біздің алаңда барлық жағдай жасалған. 2017 жылы заңнамалық түзетулер ең жоғары деңгейде қабылданғанын білесіздер”, – деп атап өтті Келімбетов.
