Қазақстанның Орталық сайлау комиссиясы Қазақстан Республикасы Президентінің кезектен тыс сайлауында сайлау алдындағы пікірсайыстар мен пікірталастар өткізу туралы қаулы қабылдады. Бұл туралы Орталық сайлау комиссиясының баспасөз қызметі хабарлады.
“Қабылданған қаулымен сайлау алдындағы теледидарлық жарыссөз бен пікірталастар күні – 2019 жылы 29 мамырда Нұр-Сұлтан қаласындағы “Хабар” Агенттігі ” Акционерлік қоғамының телевизиялық арнасы эфирінде анықталды. Қазіргі уақытта телевизиялық сайлау алдындағы пікірталастар мен ойкөкпар өткізу регламенті әзірленді, онда оларды өткізу тәртібі қарастырылған”, – деп хабарлады ОСК.
ҚР ОСК телепікірсайыс 3 раундқа бөлінетінін хабарлады.
Бірінші раундтың тақырыбы – Қазақстанның экономикалық дамуының басымдықтары. Бірінші раундта қатысушылар өздерінің сайлау алдындағы бағдарламасын ұсынады.
Екінші раундтың тақырыбы – Қазақстанның әлеуметтік жаңғыруы. Екінші раундта қатысушылар берілген тақырып бойынша сөйлейді және жүргізушінің сұрақтарына жауап береді.
Үшінші раундтың тақырыбы – сайлаушыларға сөз. Үшінші раундта қатысушылар сайлаушыларға тікелей жүгінеді.
ҚР ОСК-де пікірсайыстар 80 минуттай өтеді деп хабарлады.
Сурет: Politics.nur.kz
