“Отандастар” коммерциялық емес акционерлік қоғамы “Атамекен” ұлттық кәсіпкерлер палатасымен ынтымақтасатын болады. Қазақстан астанасында тиісті меморандумға қол қойылды.
Өзара түсіністік пен ынтымақтастыққа бағытталған меморандумға “Отандастар” қорының басшысы Нұртай Әбіқаев пен “Атамекен” ұлттық кәсіпкерлер палатасының басқарма төрағасы Абылай Мырзахметов қол қойды.
Келісімге қол қою кезінде осы құжаттың басты мақсаты “Отандастар” мен “Атамекен” арасындағы тығыз ықпалдастықтың құқықтық негізін нығайту болып табылатыны атап өтілді.
Сонымен қатар, бұл меморандум “Атамекен” іскерлік үйі” жобасын іске асыруда, сондай-ақ этникалық қазақтардың Қазақстанға кері көшуін ынталандыруға бағытталған “Темір қазық” бағдарламасында ынтымақтастықты көздейді.
Биылғы жылдың 28 қарашасында еліміздің астанасында өтетін “Атамекен” іскерлік үйінің” панельдік сессиясында “Отандастар” және “Атамекен”ынтымақтастығының алғашқы жетістіктері айтылады деп жоспарлануда.
Сурет: inform.kz
