Қазақстан астанасының әкімі Алтай Көлгінов Нұр-Сұлтанда қаланың барлық жер учаскелеріне тексеру жүргізу қажеттігін мәлімдеді. Бұл туралы қала әкімінің баспасөз қызметі хабарлады.
“Тағы бір өзекті мәселе – жерді тиімді пайдалану. Жер-өндірістің басты факторы. Асқар Кемеңгерұлы сәулет, қала құрылысы және жер қатынастары басқармасымен бірлесе отырып, жер ресурстарын тиімді пайдалануды қамтамасыз ету мақсатында қаланың барлық жерлеріне тексеру жүргізіп, нақты жағдайды анықтап, талдау жасап, мәселелерді реттеу бойынша ұсыныстар енгізу”, – деді Алтай Көлгінов.
Қала әкімінің айтуынша, қалада іссіз тұрып жатқан учаскелерді тексеру қажет.
“Су ресурстары мен тиісті қауіпсіздік мәселесі маңызды. Су ресурстары мен сумен қамтамасыз етудің барлық инфрақұрылымдарына толық талдау жүргізу, сондай – ақ оларды жөндеу және жаңғырту бойынша ұсыныстар енгізу қажет”, – деді Алтай Көлгінов.
