Нұр-Сұлтанда көптеген валюта айырбастау пункттері доллар мен еуроны сатуды тоқтатты. Бұл туралы «ҚазТАГ» ақпарат агенттігі хабарлады.
Бүгін Нұр-Сұлтанда бір долларды сатып алудың орташа бағасы 391,4 теңгені, ал сату бағасы 393,33 теңгені құрады. Елордада Еуро 449,6 теңгеден сатылып, 441,5 теңгеден сатып алынуда. Алайда, қазір көптеген елордалық айырбастау пункттері шетел валютасын сатуды тоқтатты.
Алматыда да осындай жағдай. Оңтүстік астанада тек кейбір айырбастау пункттері көтерілген бағамен шетел валютасын сатуда.
Бүгін еліміздің Ұлттық Банкі белгілеген доллардың ресми бағамы 382,05 теңгені, ал еуро бағамы 431,49 теңгені құрайды.
Бұған дейін Қазақстандық ақпараттық интернет-ресурстарда біздің еліміздің айырбастау орындарында доллар бағасы күрт көтерілді деген ақпарат пайда болған.
Сарапшылардың айтуынша, АҚШ долларының қымбаттауы ОПЕК+ мұнай экспорттаушы негізгі мемлекеттер арасында қара алтын өндіру көлемінің төмендеуіне байланысты келіспеушілік салдарынан орын алды.
Атап айтқанда, ОПЕК мүшелері коронавирустық инфекцияның таралуына байланысты тәулігіне бір жарым миллион баррельге мұнай өндіру көлемін қысқарту туралы ұсыныс жасады.
Сурет: Minfin.com.ua
