Қазақстанның Индустрия және инфрақұрылымдық даму министрлігінің Көлік комитеті коронавирустық инфекция пандемиясы жағдайында адамдарды тасымалдауды қамтамасыз етудің дайындығы тұрғысынан Елорданың жолаушылар темір жол вагондарына тексеру жүргізді. Бұл туралы МИИР ақорданың баспасөз қызметі хабарлайды.
“Жалпы темір жол вокзалдарында және әрбір жолаушылар вагонында Көліктегі Бас мемлекеттік санитарлық дәрігердің талаптарын сақтау бойынша қажетті шаралар өткізілді. Атап айтқанда, Нұрлыжол және Нұр-сұлтан-1 теміржол вокзалдарында жолаушылар ағынын реттеу бойынша шектеу ленталары қарастырылған. Қашықтықты сақтау белгілері орнатылды. Күту залдарында санитайзерлер орнатылған. Гигиеналық Сұйықтық пен қорғаныс құралдары әрбір жолаушылар вагонында да қарастырылған”, – деп атап өтті ведомстводан.
Министрлікте мұндай іс-шаралар коронавирус пандемиясы жағдайында жолаушылардың барынша қауіпсіздігін қамтамасыз ету мақсатында өткізіліп жатқанын атап өтті.
