Nur Otan партиялық бақылау комитеті Қазақстан құрылысшылар Одағында праймеризде дауыс беру кезінде деректерді бұрмалау тұрғысынан тексеру жүргізді, деп хабарлайды zakon.kz ақпарат ресурсы.
Тексеруді бастауға одақта партияішілік сайлау ережелеріне қайшы келетін әрекеттер бар деп мәлімдеген эколог-практиктер қауымдастығының төрағасы Лаура Маликованың хабарламасы негіз болды.
Тексеру қорытындысы бойынша Маликованың дәлелдері расталды – одақта оның төрағасы Талғат Ерғалиевтің пайдасына дауыстар бұрмаланған.
Тексерушілер Ерғалиев үшін Nur Otan құрамына кірмейтін, ал кейбіреулері Нұр-Сұлтанда мүлдем тұрмайтын адамдар дауыс бергенін, сонымен қатар, одақ мүшелерінің ұялы телефон нөмірлері оған ешқандай қатысы жоқ азаматтарға тиесілі екендігі анықталды.
Анықталған заң бұзушылықтарға байланысты Nur Otan қалалық филиалының партиялық бақылау комитеті мен ұйымдастыру комитеті партияішілік жарыстан Талғат Ерғалиевті шығару туралы шешім қабылдады.
