Бірнеше мектептерге Нұр-Сұлтан есімдері берілсін деп ұсынды, деп Tengrinews.kz хабарлайды.
“Нұр-сұлтан қаласы-Еліміздің Елордасы. Сондықтан да объектілердің атаулары оның келбеті мен мәртебесіне сәйкес келуі тиіс. Мектеп білім беру жүйесіндегі басты буындардың бірі екені баршаға мәлім. Қазіргі уақытта елордада 87 мектеп жұмыс істейді. Оның ішінде 10 мекемеге Қазақстанның танымал тұлғаларының есімі берілді”, – деді Қалалық тілдерді дамыту және мұрағат ісі басқармасының басшысы Тілеуғали Кішкенқашбаев.
“Қалалық ономастикалық комиссияға мектептерге атау беру бойынша көптеген өтініштер келіп түсті. 2019 жылдың 3 қазанында қалалық ономастикалық комиссияда 12 білім беру мекемесіне атау беру туралы ұсыныстар қаралып, қолдау тапты”, – деді ол.
Хабарланғандай, № 10 мектеп-гимназия Жұмабек Тәшенов, № 48 мектеп-лицей – Ахмет Байтұрсынов, № 52 мектеп-гимназия – Бейімбет Майлин, № 56 мектеп – гимназия – Шәкәрім Құдайбердіұлы, № 57 мектеп-гимназия-Мәшһүр Жүсіп Көпейұлы. № 58 мектеп-гимназия – Ілияс Жансүгіровтің есімі, № 68 – Міржақып Дулатов, № 76 – Әлихан Бөкейхан, № 80 – Сәкен Сейфуллин, № 84 – шейх Халифа бен Заид Әл-Нахаян, № 85 – шейх Тамин бен Хамад Әл-Тани. Оқушылар сарайына Әбу Наср әл-Фарабидің атын беруді ұсынды.
“Аталған ұсыныстарды Үкімет жанындағы Республикалық ономастика комиссиясының қарауына жіберу үшін Нұр-сұлтан мәслихаттың қарауына қаулы жобасын енгіземіз”, – деп аяқтады Тілеуғали Кішкенқашбаев. Мәслихат депутаттары осы ұсынысты қолдады.
Айта кету керек, шейх атын беруді ұсынған мектептер шетелдік инвестиция есебінен жүзеге асырылды. Осылайша, № 85 мектепке қаражат Катар мемлекетінің Даму Қорына бөлінді. Ашылу салтанатына Нұрсұлтан Назарбаев қатысты.
