Нұр-Сұлтан әкімшілігінде жаңа тағайындау болды. Қала әкімі Алтай Көлгіновтың орынбасары қызметін енді Алтынбек Қайсағалиев атқаратын болады.
Жаңа тағайындау туралы қала әкімдігінің аппараттық кеңесінде белгілі болды.
Нұр-Сұлтан қаласы әкімінің өкімімен Қайсағалиев Алтынбек Кеңесұлы астана әкімінің орынбасары болып тағайындалды», — делінген ведомство хабарламасында.
Сондай-ақ, қала әкімшілігінде орынбасардың міндетіне МЖК құрылысы аяқталмаған үлескерлердің мәселелерін шешу, абаттандыру, көгалдандыру, санитарлық тазалау және қар тазалау кіретінін айтты.
Бұдан басқа, ол коммуналдық шаруашылық, автомобиль жолдарының құрылысы мен инфрақұрылымына және қоршаған ортаны қорғауға қатысты сұрақтарға жауапты болады.
