Астанада дәмханалар мен мейрамханаларда алкогольдік ішімдіктерді сатуды шектеу ұсынылды, деп хабарлайды Елорда Инфо.
23 сағаттан 8.00 сағатқа дейін алкоголь сатуға тыйым салу ұсынылды. Ұсыныс «көңіл көтеретін» мекемелер мен басқа да бұқаралық орындарда қоғамдық тәртіп пен қауіпсіздікті нығайту мәселелерін талқылау аясында қалалық әкімдікте өткен кеңесте айтылды.
Жергілікті полиция қызметі басқармасының басшысы Ғосман Жакин тәртіп бұзушылықтың басым бөлігі алкогольді ішімдіктерді қолданғаннан кейін орын алатынын атап өтті. Бұл бөлімде кешкі сағат 23-тен келесі күнігі 8-ге дейін мейрамханаларда, барларда, дәмханаларда алкогольді сатуды шектеу туралы ұсыныс жолданды.
Ағымдағы жылы кафелер мен мейрамханалардың иелері құқық бұзушылық жасауға ықпал ететін себептер мен жағдайларды жою үшін 41 ұсыныс алды
Темекі өнімдерін қолдануға қойылатын талаптарды бұзғаны үшін 86 мекеме басшылары тартылды, түнгі уақытта ойын-сауық мекемелерінде заңды өкілдерінсіз кәмелетке толмағандардың болуына жол бергені үшін 115 әкімшілік іс қозғалды.
Өткен жылдың қараша айынан бастап патрульдік қызмет жұмысының принципі өзгертілді. Автомобиль патрульдерінің басым бөлігі тұрғын үй алаптарында жаяу қызметке ауыстырылды.
Нарядтар көшелерде және қоғамдық орындарда құқық бұзушылықтың алдын алуға бағытталды. Мереке және демалыс күндері көңіл көтеру орындарының жанында полицейлер кезекшілік етеді.
Полицейлердің айтуынша, дәмханаға, барларға және мейрамханаларға келушілердің қауіпсіздігіне мекеменің жұмыс режиміне шектеулердің болмауы теріс әсер етеді. Негізінен тәртіп бұзушылықтар туралы хабарлар сағат 0-ден 6-ға дейін түседі.
Сурет: unsplans.com
