Астана қаласы әкімінің орынбасары Бақтияр Мәкен Нұр-Сұлтанда сыбайлас жемқорлықтың алдын алу бойынша жүргізіліп жатқан жұмыстар туралы хабарлады, деп жазады informburo.kz ақпарат ресурсы.
Ол бүгінгі таңда сыбайлас жемқорлықтың туындау қаупін едәуір төмендететін бағыттардың бірі мемлекеттік қызметтерді онлайн-форматқа ауыстыру болып табылатынын мәлімдеді.
Сонымен қатар, ол бүгін елорда әкімдігі көрсететін 160 мемлекеттік қызметтің 140-ы автоматтандырылғанын атап өтті. Қала билігі осы жылдың соңына дейін барлық қызметтерді онлайн форматқа көшіруді жоспарлап отыр.
Мемлекеттік қызметтерді сандандырудан басқа, сыбайлас жемқорлық бизнес-процестерді оңтайландыру және әкімшілік кедергілерді жою есебінен төмендейді. Мәкен еліміздің бас қаласында сыбайлас жемқорлықтың алдын алу жұмыс тұрақты жүргізіліп жатқанын айтты.
Ол сондай-ақ Президент Қасым-Жомарт Тоқаевтың тапсырмасы бойынша Нұр-Сұлтанда инженерлік желілерді сандандыру жүргізіліп жатқанын, бұл бірнеше мәселені бірден шешуге, соның ішінде желідегі жүктемелерді көруге, ауыстыруға, қала құрылысы үдерісін болжауды және модельдеуді жоспарлауға мүмкіндік беретінін айтты.
Бұған дейін біздің республикамыздағы барлық мемлекеттік қызметтерді 2025 жылға қарай онлайн форматқа көшіру жоспарланғаны хабарланған. Бұл жаңартылған “Цифрлық Қазақстан” мемлекеттік бағдарламасында қарастырылған.
