Ағымдағы жылдың басынан бері тәртіп сақшылары азаматтық қаруды сақтау және тіркеу ережелерін бұзғаны үшін 470 қару тәркіленді, ал иелері әкімшілік жауапкершілікке тартылды, деп “ҚазАқпарат” ХАА Нұр-сұлтан қалалық ЖП баспасөз қызметіне сілтеме жасай отырып хабарлайды.
Жедел-алдын алу іс-шарасын өткізу аясында учаскелік инспектор өзінің әкімшілік учаскесін аралау барысында азаматтық қару иесін тексеру кезінде қаруды сақтау шарты бойынша бірқатар бұзушылықтарды анықтады.
Сонымен,” азаматтық, қызметтік, марапаттық, коллекциялық қаруды, оның патрондарын сатып алу, беру, есепке алу, сақтау, пайдалану, тасымалдау, Қазақстан Республикасының аумағына әкелу, Қазақстан Республикасының аумағынан әкету және Қазақстан Республикасының аумағы арқылы транзиттеу тәртібін бұзғаны үшін”, ҚР ӘҚБК 484-бабы, астаналық тұрғын 10 АЕК мөлшерінде айыппұл түрінде әкімшілік жауапкершілікке тартылды, сондай-ақ”Винчестер” маркалы аңшылық мылтығы тәркіленді.
Азаматтық қару мен оның патрондарын сақтау азаматтық қаруды сақтау мен алып жүруге заңды негіздерде рұқсат алған азаматтарға рұқсат етілетінін еске саламыз. Қару мен оның патрондары иесінің тұратын жерінде құлыпқа жабылатын, еденге немесе қабырғаға берік бекітілген металл шкафтарда сақталуы тиіс. Иесі оларды қауіпсіз сақтауды қамтамасыз етуге және оларға бөгде адамдардың, әсіресе қаруы бар сейфтің кілті қайда сақталатынын білмейтін балалардың қол жеткізуін болдырмауға міндетті.
