Қытай делегациясы сайлаудың саяси және құқықтық негізін, ҚР «Сайлау туралы» Заңын зерделеп, өз міндеттерін адал орындауға орындауға дайын.
Қазақстан астанасына Қытайдан сайлауды бақылаушылар делегациясы келді. Олар сайлау еліміздің заңдарына сәйкес өтетініне сенім білдірді. Бұл туралы 7 маусым күні Орталық сайлау комиссиясында өткен брифингте ҚХР делегациясының өкілі Чжан Сиюнь мәлімдеді,деп хабарлайды Zakon.kz тілшісі.
— ОСК шақыруы бойынша біз бүгін таңертең келдік.Жарты күн ішінде тек Нұр-Сұлтанмен танысып үлгердік. Нақты сайлау учаскелерінде әлі болған жоқпыз. Ертең және арғы күндері бәріне көз жеткізу мүмкіндігі болады деп үміттенемін, – деді ол.
Делегация жарты күн ішінде жұмысты көріп, сайлауалды жағдай тыныш, ал дайындық жұмыстары кәсіби деңгейде өтіп жатқанын атап өтті.
– Қарым-қатынас құқығына кепілдік берілген, яғни әрбір сайлаушы өз таңдауын өркениетті және еркін жасай алатындай жақсы негіз бар, — деді ол.
Қытай делегациясы сайлаудың саяси және құқықтық негізін, ҚР «Сайлау туралы» Заңын зерделегенін, өз міндеттерін адал атқаруға және өз жұмысын орындауға дайын екенін атап өтті.
— Сайлауға, дауыс беруге, жағдайларды қамтамасыз етуге байланысты барлық мәселелер ҚР заңдарына қатаң сәйкестікте болады деп үміттенеміз.
Сонымен қатар, ол ҚХР бақылаушылары сайлаудан кейін журналистермен кездесуге және өзінің ресми ұстанымын хабарлауға дайын екенін хабарлады.
