Соңғы уақытта Балқаш тұрғындары әлеуметтік желілерде қаладағы ауаның ластығына жаппай шағымдана бастады. Фотосуреттер мен бейнематериалдар арқылы азаматтар өз сөздерін растап отыр, деп жазады centrasia.org жаңалықтар ресурсы.
Бұл жағдай Экология министрлігінің назарынан тыс қалмады және осыған байланысты оның баспасөз хатшысы Самал Ибраева өз пікірін білдірді.
Оның айтуынша, Балқашта атмосфералық ауаның ластануының жоғары деңгейі байқалады. Бұған кәсіпорындардың, ең алдымен Балқаш мыс қорыту зауытының қызметі себеп болып отыр.
Келіп түскен шағымдардың негізінде Қарағанды облысы бойынша экология департаменті осы зауыттың жұмысына жоспардан тыс тексеру жүргізеді, оның нәтижесі жарияланатынына Ыбыраева уәде берді.
Бұған дейін Атырау облысындағы Қарабатан кен орнында саңырауқұлақ тәрізді ластаушы заттың шығуы орын алғаны хабарланған болатын.
Экология министрлігінің хабарлауынша, North Caspian Operating Company компаниясына тиесілі “Болашақ” мұнай және газ дайындау зауытының алау қондырғысы атмосфералық ауада қара түтіннің пайда болуына себебі болды.
Атырау облысы бойынша экология департаменті “Болашақ” зауытына жоспардан тыс тексеру жүргізеді, оның нәтижелері де жария етіледі.
Сурет: liter.kz
