Моңғолияның мемлекеттік төтенше комиссиясы коронавирустық инфекцияның таралуына байланысты Қазақстанға рейстер ұшыруға тыйым салды, деп хабарлайды regnum.ru ақпараттық ресурсы.
Сонымен қатар моңғол комиссиясы Ресей Федерациясымен және Түркиямен әуе қатынасын тоқтатты, сондай-ақ Ресей азаматтарына елге кіруге тыйым салды.
Моңғолияның Қазақстан, Ресей және Түркиямен әуе қатынасы биылғы жылдың 28 наурызына дейін тоқтатылады деп жоспарлануда. Осы кезеңде моңғол МИАТ әуекомпаниясы шұғыл түрде отанына оралуға тиісті азаматтарды эвакуациялауды жүзеге асыратын болады.
Бұған дейін БАҚ-та Тайланд , 18 мемлекеттің, соның ішінде Қазақстанның, азаматтарына елге кіру үшін қажетті виза беруді тоқтатқаны туралы ақпарат пайда болды.
Таиландтың Ішкі істер министрі Анупонг Паочинда мұндай шаралар коронавирустық инфекцияның таралуын болдырмау үшін қабылданғанын айтты. Ол жақын арада Оңтүстік Корея, Италия және Гонконг азаматтарына виза беруді тоқтататынын мәлімдеді.
Сурет: m.ru.sputnuknews.kz
