Моңғолия СІМ басшысы Дамдин Цогтбаатардың алғашқы ресми сапары кешірек мерзімге ауыстырылды. Бұл туралы ҚР СІМ баспасөз қызметінің жетекшісі Айбек Смадияров хабарлады.
«Моңғол тарабы Моңғолияның Сыртқы істер министрі Дамдин Цогтбаатардың бұрын хабарланған ресми сапары кешірек мерзімге ауыстырылатынын хабарлады», — деді Айбек Смадияров.
Қазақстан-моңғол қарым-қатынастарының тарихында алғаш рет моңғол СІМ басшысының ресми сапары 2019 жылдың 24-25 қаңтарында өтуі тиіс болатын. Сапар аясында министр Қазақстанның жоғары басшысымен кездесу өткізер еді деп күтілген еді.
Сапар Моңғолиядағы күрделі саяси жағдайға байланысты ауыстырылды. 10 қаңтарда Ұлан-Батордың орталық алаңында 50 мыңнан астам адам қатысқан наразылық митингсі өтті. Акцияға қатысушылар парламент спикерінің отставкасын талап етеді, сондай-ақ биліктегі «сыбайлас жемқорлықты жоюды» қолдайды.
Сулет: finam-rss.mirtesen.ru
