Митингке қатысқаны үшін сотталған Орал белсендісі бас бостандығын шектеуден шартты түрде мерзімінен бұрын босатылды, деп хабарлайды “Уральская неделя”.
59 жасар Бәкиз Халеловаға қатысты, өткен жылдың қазан айында, 1 жыл мерзімге бас бостандығын шектеуге және әлеуметтік желілерді пайдалануға шектеу қою үкімін шығарды. Батыс Қазақстан облыстық апелляциялық соты оның шартты түрде мерзімінен бұрын босату туралы өтінішхатын қанағаттандырды.
Өткен жылдың мамыр айында Орал қаласының орталық алаңында өткен митингіге қатысқан әйел қылмыстық жауапкершілікке тартылды.
Полиция оның пәтерін тінту барысында алынған үш Қазақстан туы мен көгілдір әуе шары бойынша оны кінәлі деп таныды. 2018 жылдың 10 мамырында Халелова және тағы бірнеше қала тұрғындары Қазақстандағы әділетсіздікке наразылық білдіру мақсатында Абай алаңына келді. Бірнеше қатысушыларды полиция ұстап, оларды әкімшілік сот айыптады.
Енді әйел полицияда әр 10 күн сайын белгіленіп отырудың қажеті жоқ. Полиция қызметкерлері 7 ай ішінде үйіне жиі келіп, бейнебақылау жүйесі бойынша оны бақылап отырды.
Ол банктер оның төлем карталары мен шоттарын ашатынына үміттенеді. Осы уақыт ішінде ол коммуналдық қызметтер мен несиесін төлей алмады, ал несие бойынша өсім күніне 1000 теңгені құрайды.
Халелованың айтуынша, ол саясаткер немесе экстремис емес, елдегі ұнамайтынды айтқан қарапайым адам болып табылады, сол үшін оның құқықтарын полиция, прокуратура және сот шектейді.
Сурет: uralswee.kz
