Қазақстан Ақпарат министрлігінің басшысы Аида Балаева еліміздегі бейбіт митингтерде БАҚ өкілдерінің жұмыс істеу ережесін бекіту туралы бұйрыққа қол қойды, деп хабарлайды «ҚазТАГ» ақпарат ресурсы.
Ережеге сәйкес, митингілер мен жиналыстарды жариялау кезінде журналистер өзімен бірге қызметтік куәлігі және кемінде бір айырым белгісі болуы тиіс, олар: ашық көк көкірекше, ашық сары таңғыш және жеңде көк түсті жапсырма.
Митингте тілшілер бұқаралық ақпарат құралдарына материалдар жинап, дайындай алады. Сонымен қатар, егер іс-шараға қатысушылар журналистерге кедергі келтірсе, олар мемлекетіміздің заңнамасына сәйкес жауапкершілікке тартылады.
Сондай-ақ, БАҚ өкілдері атқарушы билік органдары қызметкерлерінен митинг өтетін жерде жедел баспасөз орталығын ұйымдастыруды сұрауға құқылы.
Ережеге сәйкес, мұндай баспасөз орталығының жанында құқық қорғау органы қызметкерлері кезекшілікте болып, журналистердің өмірі мен денсаулығына қауіп төнген жағдайда дереу әрекет етеді.
Қағидада баспасөз орталығы электрмен жабдықталып, бейнематериалдарды жинау және сұхбат алу үшін жеткілікті көрінуін қамтамасыз етуге тиісті.
Бұл Ережені бекіту туралы бұйрық еліміздің Құқық қорғау және Ұлттық экономика министрлігінің өкілдерімен келісілді.
Сурет: sputniknews.kz
