Шығыс Қазақстан облысында Зайсан ауданының жаңа әкімі тағайындалды. Енді бұл қызметті Серік Зайнулдин атқарады. Бұл туралы Tengrinews.kz хабарлады.
Жаңа әкімді Шығыс Қазақстан облысының әкімі Даниал Ахметов ұсынды, ол Серік Зайнулдинге бірлік пен келісімді нығайту бойынша бірқатар міндеттер жүктеді.
Басшылықтың өзгеруі Зайсан ауданында орын алды митингіге байланысты болды.Митингіге жиналған жергілікті тұрғындар қытайлық коронавирус жұқтырған адамдарды сол жердің медициналық мекемесіне орналастырылатынына наразылықтарын білдірді.
Митингіге шығуға әлеуметтік желілерде осы өңірге Қытайдан инфекция жұқтырған бір автобус адам жіберілгені туралы хабарламаның таратылуы себеп болды.
Осыған байланысты Шығыс Қазақстан облысының әкімі Даниал Ахметов туындаған жағдайды реттеу үшін Зайсан ауданына барды.
Ауданға сапары кезінде Ахметов жергілікті тұрғындармен кездесті. Тұрғындар биліктен Қытай шекарасын жабуды талап етті. Әкім өз кезегінде шекара мәселесі жақын арада шешілетінін мәлімдеді.
Бұл туралы ҚР Денсаулық сақтау министрі Елжан Біртанов та өз пікірін айтты. Оның айтуынша, ҚХР-ға жолаушылар тасымалы тоқтатылды, сол себепті Қытайдан келген азаматтарды Зайсан ауданының жергілікті ауруханасына орналастыру мүмкін емес, сондықтан таратылған хабарлама жалған болып табылады.
Сурет: m.ru.sputniknews.kz
