Бүгін, 22 мамыр күні Түркістан облысының әкімі Өмірзақ Шөкеев аймақтың аудандары мен қалаларының бас имамдарымен кездесу өткізді, деп хабарлайды Түркістан облысы әкімінің баспасөз қызметі.
Кездесу аясында қатысушылар діни тұрақтылықты сақтау және ұлтаралық келісімді нығайту мәселелерін талқылады.
“Облыста жүйелі түрде насихат жүргізу қажет. Өңірдегі тұрақтылық әрдайым басты назарда болуы тиіс. Діни келісімді нығайту,қоғам үшін қауіпті ағымдардың таралуын болдырмау, сондай-ақ басқа да діни мәселелерді шешу қажет. Түркістан – тек қазақстандық рухани әлемнің орталығы ғана емес,маңызын асыра бағалау қиынға соғатын әлемдік ғибадатхана. Сонымен қатар, имамдарға өздерінің кәсіби деңгейін, білімін, соның ішінде біздің ұлы бабамыз – Қожа Ахмет Яссауи туралы білімін арттыруы қажет және жұртшылыққа бұл туралы түсіндіру керек. Кесенеге баратын қажылардың барлығы оның өмірі туралы білмейді. Көпшілігі имамдардан кеңес, қолдау және көмек сұрайды”, – деді Шөкеев.
Имам Шукеевтің сөзін қолдады,олар өз кезегінде дін саласында жүргізіліп жатқан жұмыстардың кезеңдері туралы хабарлады. Сондай-ақ, Қазақстан мұсылмандары Діни Басқармасы Төрағасының орынбасары Алау Әділбаев Діни басқарманың негізгі бағыттары туралы мәлімет берді.
“Діни басқарманың негізгі бағыттары: уағыздау,ағартушылық, қайырымдылық, деструктивті ағыммен күрес.Жұма сайын барлық мешіттерде муфтият бекіткен тақырыпқа уағыз жүргізіледі. Имамдар біліктіліктерін әрдайым көтереді. Діни басқарма жиі қайырымдылық іс-шараларын өткізеді. Мысалы, Түркістан облысында өткен жылы 12 аз қамтылған отбасы пәтер алды. Сонымен қатар, қоғамдағы, мешіттер мен түзеу мекемелерінде діни тұрақтылықты нығайту мақсатында 100 мыңнан астам адамды қамтитын 2500-ден астам кездесу ұйымдастырылды”, – деп атап өтті Алау Әділбаев.
Кездесу соңында аймақ басшысы қойылған міндеттерді шешу мақсатында тиісті шаралар қабылданатынын мәлімдеді.
Сурет: politics.nur.kz
