2018 жылдың қорытындысы бойынша халықаралық рейтинг агенттігі Numbeo.com сайтында әлемдегі қалалардың өмір сүруге қолайлылығы бойынша рейтингісін жариялады.
Халықаралық сарапшылар зерттеу жүргізіп, өмір сүру ыңғайлылығы бойынша әлемнің 226 қаласының тізімін жасады. Қазақстан қалаларынан рейтингке тек бір ғана қала – Алматы кірді, ол 208-ші орында.
Посткеңестік кеңістіктегі ең қолайлы қала Минск – 130 орын. Мәскеу 191-ші орында, 192-ші орында Киев.
Бірінші орынды австралиялық Канберра, екінші орынды Нидерландтық Эйндховен, үшінші орынды америкалық Роли қаласы иеленді.
Алматы орташадан төмен баға алды. Қала сатып алу қабілетінің индексі, қауіпсіздік деңгейі және ластанудың жоғары индексі бойынша өте төмен параметрлерді көрсетті. Кіріс пен жылжымайтын мүліктің бағасының арақатынасы теріс бағаға ие болды.
Cулет: tengrinews.kz
