Есірткі саудасымен айналысады деп болжанған Шымкент университетінде Қазақстан Республикасы Білім және ғылым министрлігі тексеру бастады. Тексеру нәтижелері бойынша агенттік толық ақпарат береді. Бұл туралы Zakon.kz ақпарат агенттігі ведомствоның баспасөз қызметіне сілтеме жасап хабарлады.
– Осы факті бойынша, 5 тамызда ҚР Білім және ғылым министрлігі Білім беру жүйесіндегі заңнама талаптарына сәйкес келу мәніне университет қызметін жоспардан тыс тексеруді бастады. Тексеру комиссиясының құрамына Министрліктің Білім және ғылым саласын бақылау комитетінің және “АDAL BILIM”жобалау кеңсесінің сарапшылары кірді. Тексерудің негізгі бағыттары: мемлекеттік стандарттың сақталу деңгейі, Оқу-тәрбие процесін ұйымдастыру мен жүзеге асыруды реттейтін заңнамалық талаптардың орындалу деңгейі, лицензиялау кезінде қойылатын біліктілік талаптарына сәйкестік деңгейі, – делінген ведомство хабарламасында.
Кейін ҚР Білім және ғылым министрінің кеңесшісі Ерболат Мұхамеджан жағдайға түсініктеме берді.
Мүдделі тараптарды ақпараттандыру мақсатында министрлік тарапынан университетте оқу-тәрбие үрдісінің жағдайын тексеру қорытындысы бойынша толық ақпарат берілетін болады.
Сурет: zakon.kz
