Әділет министрі Марат Бекетаев Қазақстанда әзірленетін жаңа заң жобалары халықпен талқыланып, тиімділігін бағалаудан өтетінін айтты. Бұл туралы «Vласть» ақпарат агенттігі хабарлайды.
Жарияланған ақпарат бойынша, «Қазақстан Республикасының кейбір заңнамалық актілеріне норма шығаруды жетілдіру мәселелері бойынша өзгерістер мен толықтырулар енгізу туралы» тиісті заңды бейсенбі күні жалпы отырыс барысында сенат екі оқылымда қабылдады.
«Әзірлеуші органдар реттеуші саясаттың кеңес беру құжатын әзірлейтін болады. Бұл құжат проблемалар мен ықтимал шешімдерді көрсетеді. Ол мүдделері қозғалатын мақсатты топтармен талқыланады. Талқылау қорытындысы бойынша заң жобасының тұжырымдамасы әзірленетін болады. Бұл реттеуші органның нақты ұсыныстары көрсетілген ресми мәлімдемесі», — деді Бекетаев.
Әділет министрлігі заңдарды қабылдағаннан кейін, олардың тиімділігін бағалауды міндеттегісі келеді. Ол үшін мемлекеттік органдар жаңа реттеудің салыстырмалы нәтижесі бар есепті әзірлеп, ұсынатын болады. Бұл есептерді парламенттік тыңдау кезінде талқылауға болады.
Сурет: ru.egemen.kz
