Ақтөбе облысының автожолдар басқармасының басшысы министрдің Үкімет отырысында сөйлеген сөзінен кейін отставкаға кетті, деп хабарлайды zakon.kz.
Мәлімбет Ибрашовтың отставкаға кеткені туралы ақпарат сол күні — 6 сәуірде облыстық әкімдіктің ресми аккаунтында пайда болды, деп хабарлайды «Диапазон».
Бұған дейін Индустрия және инфрақұрылымдық даму министрі Бейбіт Атамқұлов жолдары нашар өңірлерді атаған болатын. Оның айтуынша, жолдар жағдайы бойынша ең төмен көрсеткіш Батыс Қазақстан, Атырау және Ақтөбе облыстарында байқалады.
Басқарманың жаңа басшысы Облыстың энергетика және тұрғын үй-коммуналдық шаруашылық басқармасының бұрынғы басшысы Айбек Кайер болды.
Мәлімбет Ибрашовтың өз өтініші бойынша жұмыстан шыққаны атап өтілді.
Облыстың автомобиль жолдары басқармасының бұрынғы басшысы телефон арқылы, басқа жұмысқа ауысуына байланысты отставкаға кетуге шешім қабылдағанын растады.
