Мәжіліс спикері Нұрлан Нығматулин экология министрі Мағзұм Мырзағалиевті сынға алды, деп хабарлайды regnum.ru жаңалықтар ресурсы.
Атап айтқанда, отырыс барысында депутат Ирина Унжакова Мырзағалиевтан гидрометеорологиялық экологиялық мониторингті дамыту жөніндегі бағдарламаның жүзеге асырылу барысы туралы сұрады.
Унжакованың бұл мәселені көтеруіне қаржыландырудың өсуіне қарамастан, бюджеттік бағдарлама көрсеткіштерінің нашарлауы себеп болды.
Бұл бағдарламаны жүзеге асыруға бөлінген қаражат гидротехникалық құрылыстардың мониторингін күшейтуге және «Қазгидрометтің»қызметкерлерінің жалақысын арттыруға бағытталғанын атап өтті.
«Сіз қазір не айтып тұрсыз? Өзен мониторингі туралы кім сұрап тұр? Атмосфералық ауа жағдайын мониторингілеу туралы сөз болып отыр — экология министрі айырмашылықты көрмейді!»- деді Мәжіліс басшысы.
Сонымен қатар, Нығматулин Мырзағалиевке ақша қаражаты ауа сапасын бақылауды қамтамасыз ету үшін бөлінгенін еске салып, оған экология бойынша дәріс тыңдау үшін Білім министрлігінің басшысы Асхат Аймағамбетовке көмекке жүгінуге кеңес берді.
Сурет: news.seldon.com
