бүгін 11-маусымда Қазақстан азаматтарының кейбір әлеуметтік желілермен байланыс проблемалары болды: WattsApp, Telegram, Facebook және Instagra қызметі тоқтатылған. Бұл туралы Vlast.kz ақпараттық агенттігі хабарлады.
Telegram мен Whatsapp президентті сайлау күнінен бастап нашар жұмыс істейтіні хабарланған. Whatsapp Қазақстанда алғаш рет жұмыс істеуді тоқтатты, бұрын ондай проблема болмаған. Facebook пен Instagram-ға келетін болсақ, олар бүгін түстен кейін қалыпты жұмыс істемеді.
Естеріңізге сала кетейік, Қазақстан Президенті Қасым-Жомарт Тоқаев баспасөз мәслихаты кезінде құқық қорғау органдарына әлеуметтік желілерді бұдан былай бұғаттамауды тапсыратынын айтқан болатын.
«Мен әлеуметтік желілерді белсенді пайдаланамын. Мен Твиттердегі парақшамды өзім жүргіземін. Сондықтан, ашық айтқанда, мен әлеуметтік желілер бұғатталатынын білмедім. Бірақ, әрине, құқық қорғау органдарына тиісті тапсырма беріледі», — деп уәде берді Тоқаев.
Сурет: snce.ru
