Көктемгі әскерге шақыру кезінде 18-27 жас аралығындағы он үш жарым мыңнан астам жастар еліміздің Қарулы Күштерінің, басқа да әскерлері мен әскери құралымдарының қатарын толықтырады. Бұл туралы ҚР Қорғаныс министрлігінің баспасөз қызметіне сілтеме жасай отыра, «ҚазАқпарат» ХАА хабарлайды.
Бұл туралы Орталық коммуникациялар қызметіндегі баспасөз мәслихатында ҚР Қарулы Күштері Бас штабының Ұйымдастыру-жұмылдыру жұмысы епартаментінің бастығы полковник Сәкен Жүсіпов мәлімдеді.
Қазақстан Республикасының Президенті Қасым-Жомарт Тоқаев әскерге шақыру науқанының басталуы туралы жарлыққа бесінші ақпанда қол қойды.
Қорғаныс ведомствосы шақыруды бірінші шілдеде аяқтамақ.
Сәкен Жүсіпов коронавирустық инфекцияның таралу қаупіне байланысты қорғаныс ведомствосы қабылдап жатқан алдын алу шаралары туралы хабардар етті. Ол сондай-ақ әскерге шақырылушыларды ПТР-зерттеу екі рет жүргізілетінін түсіндірді: шақыру кезінде және әскери бөлімдерге келгенде құрама пункттерде. Жаңа шақырылушыларды вакциналау қызмет өткеру орындарында ұйымдастырылады.
Қорғаныс министрлігінің өкілі , биыл шақырылуға жататын азаматтарды хабардар етудің жаңа тәсілі қолданылатынын хабарлады. Пандемия жағдайында байланыстар аз болуы үшін сандық даму және аэроғарыш өнеркәсібі министрлігінің 1414 сервис қызметі пилоттық режимде SMS-хабарламалар жібереді.
Ұйымдастыру-жұмылдыру жұмысы департаментінің бастығы Әскери қызмет – бұл әрбір жас адамның конституциялық міндеті екенін, ал оны өтуден жалтару қылмыстық және әкімшілік жауапкершілікті көздейтінін еске салды.
«Шақыруды кейінге қалдыру немесе босату мәселелерін ақшамен көмек көрсетуге уәде берген адамдардың көмегімен шешуге тырыспаңыз. Олар, егер де әскерге шақырылушыға бәрібір уақыт берілетін болса, халықтың білімсіздігін пайдаланып, істі қарайтын алаяқтар », — деді қорғаныс ведомоствосының өкілі.
Қорқытып алу, туындаған мәселелерді шешу ұзаққа созылған жағдайда полковник Сәкен Жүсіпов «Қарулы күштер – адалдық алаңы» жобалық офистеріне жүгінуді ұсынды. Шақыруға байланысты барлық рәсімдер кеңес беру мүмкіндігін беретенін және барынша ашық форматта ұйымдастырылатынын мәлімдеді. Ол үшін жергілікті әскери басқару органдарында электрондық пошта жәшіктері мен әлеуметтік желілердегі ресми аккаунттар құрылды.
Әскери қызметке шақыру тәртібі туралы түсініктемені Қорғаныс министрлігінің Сall-орталығына телефон арқылы хабарласып алуға болады: 8 (7172) 72 10 83, 72 16 06, 72 13 89; 72 13 82.
Сурет: Inform.kz
