Алматы қаласы бойынша МҚІСҚА басшысы Данияр Таумұрат өткен жылы сыбайлас жемқорлық тәуекелдерінің төмендегенін және бюрократиялық кедергілердің азайғанын айтты.
2018 жылы алматылықтардың мемлекеттік қызмет сапасына қанағаттануының жоғарлауын арнайы әлеуметтік зерттеу жүргізген “Санж” зерттеу компаниясы белгіледі. Алматылықтардың мемлекеттік қызмет көрсету деңгейіне қанағаттанушылық деңгейі 10%-ға артты және жалпы қанағаттанушылық 74% -ды құрды.
“Бұл көрсеткішті жақсартуға мемлекеттік қызметтерді оңтайландыру, оны 80%-ға цифрландыру әсер етті. Біздің қалада Ақпараттық жүйелер жұмыс істейді balabaqsha.kz, mektepalmaty, damumed, бұрынғы кезекте күту әдістері жлйылып, бұл жүйелер арқылы баланы балабақшаға, мектепке жазуға болады, немесе көптеген құжаттарды жинауға болады”, – деп түсіндірді Данияр Таумұрат.
Сондай-ақ 2018 жылы азаматтардан келіп түскен өтініштер саны да артты. 2017 жылмен салыстырғанда олардың өсуі 31%, 417-ден 642-ге дейін. Бұл, Департамент басшысының айтуынша, халықтың мемлекеттік қызмет жүйесіне деген сенімінің артуы.
“Азаматтардың қатысуымен жүргізуге тырысатын мемлекеттік қызмет саласындағы тексерулердің нәтижесі бойынша өтініш берушілердің 47%-ының құқығы қалпына келтірілді. Барлық азаматтардың құқығын қалпына келтіру мүмкін емес, өйткені жекелеген жағдайлар кездеседі: арыз берушілердің өздері заңнаманы білмеу, мысалы, шағымдану мерзімдерін назарына алмайды. Егер кінәлі адам әкімшілік мемлекеттік қызметші болып табылса, оның санаты мен тәртіп бұзу сипатына сәйкес, жауапкершілігін этика жөніндегі Кеңес қарайды, оның қызметі өткен жылдармен салыстырғанда тек жауапкершілікке тартуға ғана емес, сонымен қатар мемлекеттік қызметкерлер тарапынан тәртіп бұзушылыққа жол бермеу үшін алдын алу шараларына да бағытталған”, – деді Данияр Таумұрат.
Алматылық шенеуніктердің тәртіпті бұзуы да көп азайды. Егер 2018 жылы төрт мемлекеттік қызметкер жауапқа тартылса, 2015 жылы олардың саны 45 болған.
“Профилактикалық сипаттағы мәселелерді қарау 10 есеге артты. Мемлекеттік органдардың тәртіптік комиссияларының дербес қызметі 2017 жылмен салыстырғанда, осы бағыттағы жұмыстардың жақсарғанын көрсетті. Мемлекеттік органдар басшылығы жазалаған қызметкерлердің саны 24%-ға төмендеді. Бізде бұзушылық азайып, тиісінше, жауапкершілікке тартылуда”, – деді Данияр Таумұрат.
Сулет: zakon.kz
