Біздің республикамызда мерзімінен бұрын-шартты түрде мемлекеттік құпияларды жариялағаны үшін сотталған Қазақстан Президенті әкімшілігінің бұрынғы орынбасары Бағлан Майлыбаевты бостандыққа шығарды. Бұл туралы Нұр-Сұлтан қалалық соты мәлім етті.
Бұрынғы шенеунік сотқа жазасының өтелмеген мерзімін шартты түрде өтеу туралы өтініш білдірген.
Осы өтінішті қарастыра отырып, сот Майлыбаев жазасының көп бөлігін өтегенін және 9 көтермелеуі бар екенін ескерді.Және де сотталғанның жұмысқа орналасу мүмкіндігі бар.
Елорданың Байқоңыр ауданының қылмыстық істер жөніндегі сотында өтінішті қанағаттандырудан бас тартуға негіз жоқ, сондықтан Майлыбаев шартты түрде мерзімінен бұрын бостандыққа шықты.
Алайда сот шенеунікті ішкі істер органдарына келіп, өзінің тәртібі туралы есеп беруге міндеттеді. Сондай-ақ Майлыбаевқа шетелге шығуға және тұрғылықты жерін ауыстыруға тыйым салынды.
2017 жылы Президент әкімшілігі басшысының бұрынғы орынбасары бірден екі бап бойынша сотталды. Ол мемлекеттік құпияларды жария еткені және лауазымдық өкілеттілігін асыра пайдаланғаны үшін кінәлі деп танылды
Қылмыс жасағаны үшін Бағлан Майлыбаев бес жылға түрмеге қамалды. Сондай-ақ оны өмір бойы мемлекеттік қызмет атқару құқығынан айырды.
Сурет: fergana.agency
