Қазақстанның қаржы министрі Әлихан Смайылов Үкімет 2018 жылы түрлі мемлекеттік органдардың деректер қорына мониторинг жүргізгенін айтты. Мониторинг барысында мемлекеттік органдардың деректер қорында сақтаулы қазақстандықтар туралы мәліметтерде 4,7 млн қате түзетілді.
2018 жылдың жазында көптеген қазақстандықтар электрондық үкімет порталында және мемлекеттік кіріс Комитетінің сайтында немесе оның аумақтық бөлімшелерінен қате мәліметтер фактілерін тапты.
«Өткен жылы осы мәселеге тап болған соң, біз өзектендіру бойынша үлкен жұмыс жүргіздік. Өткен жылы біз ауқымды деректерді салыстырдық. Әр түрлі мемлекеттік органдардың деректер қорында 5 миллионнан астам қате анықталды және бірлескен жұмыс барысында 4,7 миллионға жуық қате дұрысталды. Яғни, олар түзетілді. 300 мыңға жуық қатені әлі жөндеу керек. Бұл қателіктер салық төлеушінің қатысуымен ғана түзетілуі мүмкін», — деп түсіндірді Әлихан Смайылов.
Қаржы министрлігінің басшысы мемлекеттік органдардың мәліметтерін түзету үшін, салық төлеушілерді күтіп, отырмайтынын атап өтті.
«Сондықтан, қазіргі уақытта жергілікті атқарушы және тиісті уәкілетті органдармен бірлесіп, жыл соңына дейін үй-үйді аралап шығуды жоспарлап отырмыз. Өйткені салық төлеушінің келетінін, күтіп отыру — дұрыс емес. Сондықтан жыл соңына дейін бұл мәселені түбегейлі шешкіміз келеді», — деді министр.
Сулет: yandex.ru
