Келесі жылдың 1 қаңтарынан бастап кірістерді жалпыға бірдей декларациялаудың бірінші кезеңі басталады. Бұл туралы Қазақстан Қаржы министрлігі Мемлекеттік кірістер комитетінің өкілі Дина Құсайынова айтты.
Құсайынованың айтуынша, жалпыға бірдей декларациялаудың негізгі мақсаты көлеңкелі экономикаға қарсы іс-қимыл, сыбайлас жемқорлыққа қарсы күрес, сондай-ақ мемлекеттік бюджетті толықтыру болып табылады. Жалпыға бірдей декларациялау әрбір қазақстандықтың өмір сүру деңгейін арттыру үшін көптеген мүмкіндіктер береді.
“2021 жылдың 1 қаңтарынан бастап біз жалпыға бірдей декларациялау жүйесіне кіреміз. Бірінші кезеңде оған мемлекеттік қызметшілер, оларға теңестірілген адамдар мен жұбайлар кіреді”, – деп қосты ол.
Мемлекеттік кірістер комитетінің өкілі атап өткендей, мемлекеттік қызметкерлер бұрын көрсетілмеген бірқатар активтер бар. Активтер дебиторлық және кредиторлық берешектен, қымбат мүліктен, инвестициялық алтыннан, меншіктен, авторлық құқықтан, сондай-ақ қолма-қол ақшадан тұрады.
“Декларацияны 2021 жылдың 1 қаңтарынан бастап ұсынуға міндетті адамдар 2020 жылдың 31 желтоқсанындағы жағдай бойынша өздерінің барлық активтері мен міндеттемелерін көрсетуі тиіс”, – деп Құсайынова түсіндірді.
Ол декларацияны кімге тапсыру керектігін айтты.
Бұл жауапты мемлекеттік лауазымды атқаратын азаматтар және олардың жұбайлары (зайыптары); мемлекеттік функцияларды орындауға уәкілеттік берілген азаматтар және олардың жұбайлары (зайыптары); мемлекеттік функцияларды орындауға уәкілеттік берілген адамдарға теңестірілген азаматтар және олардың жұбайлары (зайыптары); сондай-ақ Қазақстанның Конституциялық заңына, республикадағы сайлау туралы және сыбайлас жемқорлыққа қарсы күрес туралы заңдарға, еліміздің банктері мен банк қызметі туралы және сақтандыру қызметі туралы декларацияны ұсыну міндеті жүктелген азаматтар.
Сурет: 365info.kz
