Бүгін ҰҚШҰ Парламенттік Ассамблеясының отырысында Ресей Мемлекеттік Думасының басшысы Вячеслав Володин Екінші дүниежүзілік соғыс тарихын бұрмалау талпыныстары туралы айтты. Бұл туралы regnum.ru. ақпарат агенттігі хабарлады.
Ресей парламентінің төменгі палатасы төрағасының айтуынша, ҰҚШҰ елдері Кеңес Одағының жеңіске қосқан үлесін ешкім жоққа шығармауы үшін тарихты бұрмалау әрекеттерімен күресу керек.
«Біз жеңіске деген, екінші дүниежүзілік соғысқа деген қарым-қатынас адалдыққа, шындыққа негізделуі үшін өз тарапымыздан бәрін жасауымыз керек», — деді Володин.
Ресей парламентарийі мұндай соғыстың қайталанбауы үшін күресу керек, және бұл үшін күресте тарихты құрметтеп, оны өзгерьуге жол бермеу керек екенін баса айтты.
Вячеслав Володин Кеңес Одағының жеңіске жетудегі рөлін жоққа шығарған елдер қателесетінін және жас ұрпаққа тарихи шындықты табыс ету керек екенін атап өтті.
Бүгінгі таңда ҰҚШҰ-ға мүше елдер — Қазақстан, Ресей, Қырғызстан, Беларусь, Тәжікстан және Армения.
Сурет: topwar.ru
