Жыл басынан бері Қазақстан Қаржы министрлігі жалпы сомасы 154 миллиард теңге болатын бюджет қаражатын жұмсауда бұзушылықтарды анықтады. Бұл туралы Үкімет отырысында Қаржы министрі Әлихан Смайылов мәлімдеді.
Министрдің айтуынша, оның 140 млрд теңгесі аудит барысында қалпына келтірілді. Сонымен қатар, жүргізілген камералдық бақылау нәтижесінде мемлекеттік сатып алу бойынша жалпы сомасы 465 млрд.теңгеге заң бұзушылықтар анықталды.
«Жергілікті бюджеттің шығындары 3 трлн теңгені құрады, орындалмау – 73 млрд теңге . Есепті кезеңде өңірлерге 924 млрд теңге сомасында нысаналы трансферт бөлінді, 34 млрд теңге орындалмаған. Оның 4 млрд теңгесі — бюджет қаражатын үнемдеу, игерілмеген 30 млрд теңге. Игерілмеудің негізгі себептері – төлемнің негізділігін растайтын құжаттарды ұсынбау, бекітілген кестеден жұмыстың артта қалуы», – деді Смайылов және орталық және жергілікті атқарушы органдарды бюджеттің орындалуын ерекше бақылауға алуға шақырды.
Естеріңізге сала кетейік, премьер-министр бірқатар министрлер мен әкімдіктердің бюджеттің орындалуы бойынша жұмысын бақылауға алды. Оның айтуынша, ІІМ, Қорғаныс министрлігі мен экология, геология және табиғи ресурстар министрлігінде игерілмеген. Олар тиісінше 10,9 млрд теңге, 10,3 млрд теңге және 10 млрд теңге игермеген.
Аймақтардың ішінде ең көп игерілмеген қаражат — Нұр-Сұлтан қаласы.
Сурет: m.news.yandex.ua
