Бүгін еліміздің президенті Қасым-Жомарт Тоқаевтың Қазақстан Денсаулық сақтау министрлігінің басшысы Елжан Біртановпен кездесуі өтті. Бұл туралы Ақорданың баспасөз қызметі хабарлады.
Кездесу барысында Қасым-Жомарт Тоқаев Денсаулық сақтау министрлігінің ағымдағы жұмысымен, халық денсаулығы туралы жаңа кодексті әзірлеу кезеңдерімен және Қазақстан медицинасы мен денсаулық сақтау жүйесінің дамуымен танысты.
Сонымен қатар, Қазақстан Республикасының басшысына елімізде міндетті әлеуметтік медициналық сақтандыру жүйесін енгізу барысы туралы ақпарат берілді. Тоқаевқа медициналық мекемелерді жаңғыртуға бағытталған жаңа мемлекеттік бағдарламаның жүзеге асырылу барысы туралы да баяндалды.
Кездесу барысында Қазақстан Денсаулық сақтау министрі Қасым-Жомарт Тоқаевқа елімізде Қытай коронавирусының таралуына жол бермеуге бағытталған шаралар туралы баяндады.
Кездесу соңында Президент Тоқаев еліміздің азаматтары алатын медициналық қызметтердің сапасын арттырудың маңыздылығына назар аударды, сондай-ақ министрге халық денсаулығы туралы жаңа Кодекс бойынша жұмысты жалғастыруды тапсырды.
Қазақстан Республикасы Денсаулық сақтау министрлігінің соңғы мәліметтері бойынша, біздің елімізде коронавирусты жұқтыру жағдайлары тіркелген жоқ. Сонда да вирустың таралуына жол бермеу үшін барлық шаралар қабылдануда.
Сурет: akorda.kz
